奇妙電視節目《搵錢男女》每集都為觀眾帶黎千奇百怪的搵錢生意。今次有幸請到黃婉曼（Icy）擔任嘉賓，這天出席節目錄影，唔知佢又有咩搵錢技巧可以分享比大家呢？

原來Icy已經開咗麵包學校近兩年，又要湊B又要管理舖頭，唔知佢兼唔兼顧到呢？佢就話：「老公對我開舖頭冇怨言，反而仲好鼓勵我去做，而且我同佢夾到時間輪流照顧小朋友，完全可以兼顧家庭同事業，加上佢又係會計師，幫我解決左好多事業上嘅問題。」

大部分人都希望賺多啲錢，創業難守業更難， Icy又有咩秘訣可以獲得成功呢？「最緊要唔好怕辛苦，一定要比員工更上心，明白自己嘅責任有幾重大，如果想舒服搵錢嘅都係返工好啲，唔使諗咁多野，返多啲工對創業都有好處，你可以吸收多啲經驗，學下人哋鋪頭點樣做嘢先再創業，切記唔好心急。」