奇妙電視節目《搵錢男女》每集都帶來千奇百怪的「搵錢」生意，為觀眾發掘致富之道，新一集就請來主持之一的司徒瑞祈為大家分享他的「搵錢」之道。

司徒瑞祈於2016年離開無線電視後，從兒童節目主持轉型為小食店「阿水廚房」的老闆，覺得離開TVB後財路是否更廣闊？他表示：「其實系搵錢方式唔同咗，冇得計多與少，始終TVB都系一個大台，一定有job做，只系唔想一直留系comfort zone，希望可以踏出去追夢，即使依家搵錢可能仲辛苦咗，面對生意差嘅時候甚至會煩惱到失眠，但系感覺到自己真系成長咗，都系一件好事。」

被問到是否會因為專心事業，就此淡出娛樂圈。他則回答：「咁又唔會，你見我依家都出翻嚟拍《搵錢男女》，之前系因為我覺得如果我要專心創業，首先就要離開自己系TVB既事業，咁樣我先至可以專心去做好呢件事，去到依家開始穩定，如果有一啲感興趣嘅節目我都好願意去做。」

他又向時下想創業的年輕人傳授搵錢秘笈：「總之就系要有恆心，唔好一味淨系諗住要賺錢，一定要放個心入去，有賺錢就當系bonus，冇嘅咪當系經驗囉！最緊要就系學識取捨，當你決定要追夢嘅時候總有啲嘢要你放棄，勇敢踏出第一步，把握機會先會成功。」