《六合彩》大肚主持蔡運華9月底生得 本為劇場導演兼演員超好戲
撰文：陳栢宇
出版：更新：
舞台劇演員蔡運華（Shirlee）3年前開始主持六合彩直播，平時負責公布中獎號碼的她最近終於「中獎」，與老公陳彥聰造人成功。現時陀住6個月B仔的她接受《香港01》訪問時坦言挺住個肚做六合彩直播都應付自如：「唔辛苦仲好開心，每次返沙田馬場直播室，阿B都好開心郁嚟郁去，但到正式On Air，佢就好乖好淡定。可能佢知道要做直播，係個好識Do嘅B仔。（睇直播唔多覺你個肚咁大。）多數影住正面嘛！」身為香港首個大肚婆六合彩主持的Shirlee又透露預產期在9月底。
蔡運華（Shirlee）不時在社交網站分享自己的大肚相，而B仔的預產期在九月底。
+2
好多觀眾、網友都笑稱B仔出世後直接搶走了另一位六合彩主持蔡國威「六合彩之子」地位，蔡國威受訪時說：「其實我哋一班主持、同事圍內都講笑，話BB先係六合彩之子，又話不如叫佢做六合彩太子、六合彩阿B咁，其實佢接班都OK！都希望BB順利出世健健康康！」蔡運華知道老友蔡國威這樣禮讓後都好搞笑講了一句：「佢地位先冇咁易動搖！」
其實同為《六合彩》主持的蔡運華和蔡國威非常老友，早前蔡運華更特意約蔡國威食飯，向他分享懷孕喜訊。
講到蔡運華其實好好戲，本身在舞台劇界拎過獎項，之前更在港台劇《那些年那些歌II》的〈林憶蓮篇：情是永遠像花朵是有朝枯竭〉中，憑在愛情路上跌跌撞撞的城市中女角色大放異采，當中的爆喊場面直頭係令人深刻，好多人睇完後都讚不絕口，問日後會否多拍劇？她承認有同ViuTV傾過，又指當初做舞台劇時沒有想過自己現在會拍劇：「不過依家多數都係拍港台劇，最近多咗同佢哋做旁白，好似《好想藝術》、《設計日常》咁。（TVB冇搵過你？搵你拍劇制唔制？）如果得到賞識，一定冇問題。」人哋都開哂綠燈，TVB唔係就咁放過一個好戲之人嘛？
【那些年那些歌II】林憶蓮篇奏起愛情悲歌 《赤裸的秘密》成彩蛋
蔡運華在戲中除了演繹與徐羨曾分手爆喊一幕，亦演出了圖中與周祉君明明情投意合，卻不敢接受對方的部分，以及與陳子豐分手後依然拖泥帶水，竟然好心得，願意為了探望前男友母親而請假不上班的情節。（電視畫面）
+2