相信大家的whatsapp入面一定有好多不同的聊天群組，而其中一個就係家庭group喇，基本上有屋企人的都一定會有呢個group，有些人甚至會有多個家庭group。有無留意到這些家庭group入面最常出現的message係咩？

黃智賢就話他的whatsapp家庭group入面最多是小朋友圖：「因為我有啲外甥，咁佢哋嘅爹地媽咪好鍾意同小朋友影相，再放喺group度畀我哋睇。長輩圖都有，通常過時過節就會見到。」不過他屋企人最鍾意用的圖竟然是他的cap圖：「佢哋好鍾意用我嗰張『我最期待嘅畫面出現了』，成日用嚟笑我，我舖頭開張又send，我去旅行又send，喺個group度經常會見到。」

而以下10種message絕對是最常於家庭group度見到的，排名不分先後：

長輩圖

唔使多講，一睇就知係長輩圖，有花有早安有祝福仲會話認同請分享。如果whatsapp的家庭group有較多長輩，呢類圖真係好常見㗎。

BB、小朋友圖

可以同長輩圖平分秋色的應該都係BB圖喇 (包括埋小朋友圖)，家庭成員中如果有BB或者小朋友，通常都會成為大家的焦點所在，做父母的最鍾意同親戚開心share可愛BB圖。

折扣優惠

邊度有咩折扣優惠梗係要第一時間話畀屋企人知啦，又可以約埋一齊去掃貨、食飯、購物同旅行等，一齊慳得至抵。

旅行圖

去旅行當然想曬下當地景點、美食同購物樂啦，家庭Group入面有人去旅行就自然會有好多關於旅行的靚相，又可以當埋係報平安。就算無得去旅行，睇下都開心

天氣、交通消息

關心屋企人的安全，當然要update住最新的天氣同交通啦，幾時打風打緊幾號，邊度塞車或者改路，一打開個家庭group就可以睇到。

消委會測試報告

同樣是出於關心屋企人的心，消委會做了任何有關日常生活產品的測試，都可以於家庭group入面睇到。

屋企寵物圖

自己養的寵物一定是最可愛的，所以屋企隻寵物圖亦成為了家庭group中好常見的message，允其是有屋企成員去了旅行，其他屋企人就會send隻寵物相出來。

保健攻略

同樣是因為愛錫家人，group入面總會分享一些保健攻略，例如食咩有益健康、飲咩湯水好等等。

騙案

當然要時刻提醒家人以免他們被騙啦，甚麼買點數卡，入境處通知取快遞件，提供驗證碼等等，這些資訊必會出現在group的message入面。

花花

鮮花的靚相令人睇得心鄺神怡，特別係自己屋企種的花，當然要同屋企人分享下啦。