黃智賢（Ben）最近有份投資既醫學美容中心今日開張，佢平時主要負責市場推廣。無論係面對客人諮詢定係決定宣傳方式，每件事他都親力親為，就算要半裸上陣幫公司做生招牌都完全冇問題。

問到點解要開醫學美容中心，Ben就話：「我覺得醫學，科技再加上美容係一個最好的配搭，我幾睇好佢嘅市場潛力，加上我有兩位醫生朋友拍檔，所以我就決定搞呢個醫學美容中心。」

為咗開醫學美容中心，阿Ben一共投資7位數，佢又會唔會擔心回唔到本？阿Ben就答：「回本嘅話應該唔需要太耐，而且呢個唔係我既目標，我反而想繼續擴充舖頭，最好可以打通埋隔離舖位，咁就可以服務更加多客人，所以都仲要繼續投資落去。」