歐陽震華自稱普通話太爛　聽錯邊套劇叫「前列腺發炎」？

日前(11日)，Bobby歐陽震華現身黃智賢有份做老闆的醫學美容中心撐朋友場。Bobby稱阿Ben當真駐齡有術，「《真情》都拍完咁多年，Ben唔單止個樣冇乜點變，連身型都keep得咁好，真係犀利。」談到另一好友關詠荷，Bobby表示她近日忙於湊女，感嘆說應趁子女年輕多陪伴他們，子女很快大，有自己世界。
 

Bobby和關詠荷是經常合作的老拍擋，其中一部作品就是2013年的《情逆三世緣》。不過Bobby之前和粉絲玩遊戲贏獎品時，有人用普通話說《情逆三世緣》，Bobby卻搞笑地聽錯為「前列腺發炎」，「我一聽就諗我好似冇拍過套戲叫『前列腺發炎』喎，不過如果關詠荷再復出拍《陀槍師姐》，我都唔介意開返套《前列腺發炎》做男一嘅！」貫徹Bobby幽默的作風。