袁偉豪現身電視城出席TVB Amazing Summer活動！最近忙拍無綫劇集《鐵探》，袁偉豪在戲中飾演一名幹探，身患癌症！偉豪透露已經拍咗差不多個半月，最大挑戰在後期一反常態，需要減磅，身型會變得瘦削。

《鐵探》講述警察故事，袁偉豪爸爸生前是一名警員，在拍戲時難免會想起昔日爸爸的往事。偉豪直言「在拍攝其間，可能會面對一啲生離死別情境，我會不期然諗起我爸爸，令我好感觸，我當作爸爸畀我嘅祝福。」

過兩日袁偉豪爸爸將會出殯，身後事都準備好了，陪伴爸爸行埋最後一段路。偉豪表示：「媽咪有時候都會觸景傷情，始終兩老相處咗咁多年，係需要時間去沉澱，拍攝完套戲，會陪媽媽去下旅行散下心，呢個係我心願。」