【世界盃】俄羅斯超強太太團 前鋒史莫洛夫老婆係選美冠軍

撰文:
最後更新日期:

萬眾期待的世界盃將於香港時間晚上11點舉行揭幕賽A組賽事,由東道主俄羅斯大戰沙特阿拉伯。作為主辦國,俄羅斯出到線,唔少球迷都已經收貨。雖然俄羅斯實力有限,假如今晚贏咗沙特阿拉伯,好可能下星期二對埃及都好大機會輸波。睇唔到俄羅斯國家隊踢波唔緊要,值得留意嘅係俄羅斯國家隊嘅WAGs(Wives and Girlfriends of high-profile sportspersons)。

施哥夫太太 Inna Zhirkova

Inna經常喺Instagram上載泳衣照。(Inna IG)

早前俄羅斯網上雜誌《Spletnik》舉行咗個選舉,邀請網民投票選出俄羅斯國家隊最索球員另一半,而效力過車路士嘅老將施哥夫(Yuri Zhirkov)太太Inna Zhirkova就被選為第一位。Inna五官標緻,身材火辣,喺Instagram經常晒長腿同性感照,就算生咗3個小朋友,身材依然keep得非常好。不過靚唔係大晒嘅,Inna原本喺2012年曾經成為俄羅斯小姐,但最後因為喺訪問環節中,被問到究竟地球係圍繞住太陽旋轉,定係太陽圍繞住地球旋轉,一個咁簡單嘅問題,佢竟然答唔知道,最後就因為咁而被褫奪冠軍。

+4
+3
+2

艾堅菲夫太太 Ekaterina Gerun

Katy除了身材姣好,在大學主修化學工程。(網上圖片)

第二位就係門將艾堅菲夫(Igor Akinfeev)太太Ekaterina Gerun(Katy),Katy生於烏克蘭,父母係作家同老師,喺大學主修化學工程,更精通多國語言,包括:烏克蘭語、俄語、英文、法文,Katy參選過烏克蘭小姐大賽,更奪得第四名,之後就投身娛樂界任模特兒同演員,名乎其實嘅才色兼備。不過Katy就同老公艾堅菲夫一樣咁低調,亦好少活躍於社交平台。

+2

史莫洛夫太太Victoria Lopyreva

Victoria於今屆世界盃擔任大使。(Victoria IG)

下一位要介紹就係前鋒史莫洛夫(Fedor Smolov)太太Victoria Lopyreva,Victoria於2003年奪得俄羅斯小姐名譽,現時除咗係電視主持同演員,間中都會做模特兒工作,今年亦係世界盃官方大使,負責推廣世界盃。

+5
+4
+3

【世界盃】香港01全力策動 區區有波睇! 免費睇波兼有禮物包



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。