最靚亞姐馮雪冰有意留港發展 會唔會過檔TVB?

撰文:
最後更新日期:

相隔3年再度舉辦嘅《亞洲小姐》選美比賽,今日喺亞視總部開辦記者招待會,向海嵐及2011年亞姐冠軍馮雪冰(Michelle)都有現身。Michelle今日出席記者都難免會懷念一下曾經參賽嘅時候,Michelle講到:「其實有好多的感慨,參賽就好像前不久的事情,已經七年過去,時間實在過得太快。」但最大得著就肯定係七年前比賽Michelle收鑊過愛情,Michelle透露當初大家一齊比賽認識,不過宜家已經分咗手,所以佢係邊一個人Michelle就唔多願透露。

相隔3年再度舉辦嘅《亞洲小姐》選舉,今日喺亞視總部開辦記者招待會。(梁碧玲攝)

Michelle被譽為最靚嘅《亞洲小姐》對於呢一個頭銜佢就表示唔敢當:「沒有,沒有,真的不敢當,其實參賽女生當中有好多都好優秀。」不過只要係女仔俾人讚靚女當然開心,所以Michelle都表示開心,只係唔敢當最靚《亞洲小姐》。

馮雪冰(Michelle)被喻為最靚《亞洲小姐》。(梁碧玲攝)

工作方面其實亞視藝人有一部份都過擋TVB,Michelle都清楚呢件事,因為佢自己就有好多朋友都過擋去TVB,大家仲會簡唔中約出嚟食飯,但至於朋友會唔會都有介紹Michelle去TVB,點解呢?因為Michelle都有意留港發展,但Michelle就簡單回應一句「可能我廣東話並不好,讀得唔夠正確,所以我也只能祝福朋友他們。」不過Michelle講到已經同香港幾間經紀公司在洽談當中,希望成事。

Michelle有意留港發展。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。