【世界盃】邊隊國家隊最有機會捧盃? 袁文傑:巴西贏在個教練

撰文:
最後更新日期:

袁文傑話冇睇世界盃。(林迅景攝)

《世界盃2018》來到第4日,相信大家都有睇昨晚冰島對阿根廷,冰島隊憑住前鋒11號射入一球賽和阿根廷隊都令不少球迷掉哂眼鏡。不過,冰島隊能夠進入世界盃甚至迫和阿根廷隊一點也不是全憑運氣,就連球迷之一的「游生」袁文袁文傑都大讚:「團隊精神好足夠、夠晒熱血、紀律好。」

袁文傑覺得今屆巴西隊有機會捧盃。(林迅景攝)

袁文傑:「我係2年前歐洲盃開始留意冰島隊,佢哋好團結,同埋班球員冇高低(之分),唔會落到場我係一個球星就會比其他隊友高啲,或者凌駕佢哋上面,或者攞到波一定要俾我先,冰島冇呢樣嘢㗎。雖然佢哋好防守但係你睇到佢哋反擊嘅時候前面一樣有好足夠嘅人數,射波唔一定中㗎嘛,但係佢哋都會傳返開再補射,呢個就係積極性。」

除咗巴西隊之外,袁文傑都覺得法國、德國有機會㗎。(林迅景攝)

雖然聽落袁文傑好欣賞冰島隊,但其實他亦有心水球隊。問起他認為今年哪隊會捧盃時,袁文𠍇就覺得巴西、德國、法國最有機會。不過話說兩頭,問到袁文傑有沒有看今屆世界盃時,他只是很落幕的回答說:「冇乜時間啦,要開工吖。(收工再睇?)留意下啲消息囉。」啱嘅,唔通佢講尋晚開咗ViuTV睇波咩...

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。