江海迦AGA幫好姊妹李幸倪做嘉賓? 「大家可能會見到我!」

撰文:
最後更新日期:

江海迦AGA今日 (22日) 出席品牌活動時,提到自己平日的保養習慣。有敏感皮膚的AGA崇尚自然,會用蜜糖及乳酪等天然療法敷面。另外,AGA的好姊妹李幸倪 (Gin Lee) 將於本週末在紅館舉行首個處女騷,AGA更放風表示到時有機會以神秘嘉賓身份撐場!「大家到時可能會見到我架!」一場騷睇哂兩大唱作才女,值呀!

AGA隨時以神秘嘉賓身份現身Gin Lee個唱!(黃國立攝)

AGA近日亦忙於準備個人內地巡演。「我下兩個星期就會係佛山開個唱,遲啲九月同十二月都會係東莞及廣州開唱。香港方面我八月係會展都有騷,雖然唔開放俾公眾,但我請左好多朋友黎,所以都好期待。」咁幾時效法Gin Lee去紅館開騷?「我唔係一個多產嘅歌手,想再寫多隻album先申請紅館,因為我覺得作為歌手最需要諗嘅就係自己可以帶到幾多俾觀眾。」AGA又續稱自己對幾時開紅館騷抱持順其自然的心態,讓fans不要焦急。聽AGA講到自己咁忙,咪冇時間拍拖?AGA即笑說她也想拍拖,不過和開紅館騷一樣,順其自然啦。

AGA忙於準備個人內地巡演。(黃國立攝)

AGA想在開紅館騷前寫多隻album,等fans有多啲好歌聽。(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。