馮盈盈拍《白色強人》學醫術 男友面前成功認叻
撰文：賴家杰
出版：更新：
馮盈盈參演劇集《白色強人》舉行煞科宴，受TVB力棒的盈盈，接下來又要拍攝《解決師》，盈盈原本以為可以有得休息,，點知又要地獄式拍劇，搞到盈盈都要唱句「還未有初吻便要怕失戀」反映下心情，不過眾所周知做藝人最怕唔係忙，而係冇嘢做日日在家等機會，所以盈盈辛苦但都表示開心。
馮盈盈參演劇集《白色強人》今晚舉行煞科宴。（黃國立攝）
盈盈表示拍攝《白色強人》學習好多醫學知識，盈盈男朋友都係一名醫生，所以她終於可以喺男朋友班醫生朋友圈到搭嘴，「有一次佢哋成班朋友傾計，講到心血管手術我搭到嘴呀！」
盈盈表示拍完《白色強人》，學到好多醫學知識。（黃國立攝）
馮盈盈因同麥明詩主持綜藝節目《後生仔傾吓偈》而成為好朋友，最近麥明詩因網上直播走光而鬧出一場小風波，佢自己網上都發表一篇文章回應，但作為好朋友嘅盈盈有冇關心佢呢？盈盈就話：「佢係一個好有想法嘅女仔，同佢傾偈你唔會覺得佢係一個冇乜思想嘅人，其實好鍾意同佢傾偈，因為佢好有獨特想法，傾完原來可以用呢一啲角度去思考，所以有時睇佢嘅post唔只係單單講佢自己，有時我都覺得有講出埋我嘅心聲，大家都會好有共嗚。」
盈盈大讚麥明詩好有獨特想法。（黃國立攝）