《2018勁歌金曲優秀選第一回》昨晚在九展舉行，大會頒發22首歌曲獎項，關楚耀憑《飢餓遊戲》歌曲奪獎。關楚耀得獎後，接受《香港01》時訪問說：「攞到獎好開心，因為自己相隔12年，可以再一次係《勁歌》嗰度攞獎，回想起做06年做新人嘅時候，攞咗一首歌曲獎項，估唔到今年可以攞獎，早前唱片公司同我講《勁歌》會頒過獎項畀我，心想有獎攞固然開心啦，但頭先喺後台回想，原來已經係12年前，覺得時間過得好快，好大感觸。」

上兩個星期關楚耀鼇個人單曲《求生》面世，歌曲表達現今社會，受到各種制肘，人們如何釋放自己負能量，提升自己正能量！楚耀坦言：「首歌表達咗我喺娛樂圈裏面求生嘅態度及技能，係自己嘅寫照。雖然自己失去左好多嘢，但都唔介意，因為人生係咁樣，經歷過自己曾經做錯事，令到自己成長，反而自己變得冇咁執着，記起以前年青時如果冇獎攞，我會覺得唔開心，但而家就覺得獎項係身外物。」