【港姐2018】面試要求大公開 初選佳麗Sandy:唔可以化濃妝!

撰文:
最後更新日期:

一年一度的香港選美盛事《香港小姐競選2018》首輪面試已經結束,7月11日,由大約180位參賽佳麗中,挑選的大約70位參賽佳麗進行第二輪面試。今年的港姐質素較去年有明顯的提高,落選佳麗當中也不乏有靚女,究竟首輪面試需要準備什麼?有哪些要求呢?

Sandy是今年的參賽佳麗之一,她在接受《香港01》訪問時,表示TVB會以電話方式通知參賽佳麗。

穿上比堅尼泳裝影相

另一位不願公開身份的K小姐則更具體講解大會要求:「要帶身份證、一套bikini和一對鞋高踭鞋,要求化淡妝,但唔可以化濃妝,唔可以戴大眼Con(隱形眼鏡),但我見到現場都係好多人化濃妝、戴大眼Con囉。」

兩位佳麗透露,入到電視城之後,她們會依照參賽號碼坐低,之後見傳媒、拍照,然後會換上自己準備的Bikini再拍照,最後一關見評審,「佢哋會拎住bikini相嚟睇!」K小姐說。

Sandy是今年的參選佳麗之一,畢業於香港中文大學,主修全球研究,是社會科學學士,現在是freelancer,主要做演員和模特工作(資料圖片)

【港姐2018】25歲瑜珈導師Lila英國名校畢業 突因不符資格被out

樂小姐:你個妝係邊個化?

針對不同的參選佳麗,評判自然會有不同的問題提出。Sandy指大概10個人一組,分批入房見評判,每批大概10分鐘左右,評判有樂易玲、余詠珊、杜之克、還有其他兩位女士,大家會進行自我介紹,「杜之克發言比較多,」Sandy繼續說:「態度唔嚴肅,佢哋會係咁望住放喺佢哋面前嘅嗰個電視機。」而K小姐亦是如此,不過是樂小姐發言較多:「有點嚴肅,問我妝係邊個化嘅,同埋讀咩專業。」

見完評判之後,她們可以自由選擇,是否在「big big channel」亮相。

其實今屆參選港姐的佳麗,除了樣靚之外,都不乏高學歷,除了Sandy畢業於香港中文大學之外,K小姐也是某知名大學的碩士畢業生,據悉,參選佳麗中還有日本留學生,以及加尼福利亞大學柏克萊分校(University of California, Berkeley)的學生等等。「今次有好多高學歷高顏值嘅朋友參選,其實我覺得佢哋都幾上鏡,我實在唔明白。」K小姐指。

【港姐2018】一文睇晒入圍複試靚女 楊帆Krystal最有仙氣

Sandy指佳麗們會分批入房見評判,大約10個人為一批,評判會根據佳麗們的自我介紹作出提問。(視覺中國)

Sandy表示TVB較以前有所改變,更加注重參選者的背景同學歷:「咁做有好有唔好,好嘅係可藉著女仔嘅背景同學歷製造話題,增加當刻嘅宣傳效應;唔好嘅係
有啲女仔雖然冇背景或學歷,但其實佢嘅才華及可塑性都好高,好容易會overlook咗呢批有潛質嘅人。所謂嘅美麗與智慧,其實都好睇tvb點樣去定義,若果智慧只係用學歷嚟定義,美麗只係用樣貌,咁可能就比較以偏概全。」儘管落選,不過Sandy依然好積極向上地面對未來:「有好多朋友都覺得我唔抵,而我就覺得做好自己啦,喺相入面見到嗰個自信滿滿,同平時成個佛系女嘅自己好唔同,原來我都有柔嘅一面嘅!入唔到圍我無法控制,但最少做到無悔同更了解自己喇!」Sandy坦言未入選第二輪自然有些不開心:「因為去選美之前定下嘅一個目標,係要死水中製造漣漪,讓更多人認識自己,有更多工作機會。而家第一輪就沒有了,同預期嘅計劃有出入,不過而家都接受了,再諗下點樣可以繼續行呢條路啦。」

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。