張秀文讚自己廚藝好娶得過 大讚素食菜式口感一流
撰文：翁漢瓏
出版：更新：
張秀文（sammi）最近忙於主持飲食節目《深夜美食團》，她出席活動時謂：「我自己平時多數買外賣返屋企食，平日做完嘢已經好攰，唔想再去洗嘢切嘢，但係如果假日時叫朋友上屋企玩就會自己煮下餸，落街市買啲肉買啲海鮮，就咁簡單煲下湯烚下已經好好味。」談到廚藝她顯得十分有信心：「我自己細細個已經係一家之「煮」，成日着住校服落街市買餸，如果要我評價自己嘅廚藝，咁我會話「娶得過」！」
Sammi話自己細細個已經係一家之「煮」，廚藝了得絕對係「取得過」級數。（葉志明攝）
《深夜美食團》已經拍至第十七集，作為主持之一的Sammi有沒有因為拍攝飲食節目而體重暴增呢？她回應：「因為一路我哋都keep住拍未停過，所以我都唯有一路Keep fit去對付一路keep fat，我仲試過因為食海鮮食到水腫，所以臨時轉左做素食主題，不過做完之後先至發現原來依家素食菜式口感真係好好，雖然只係一啲菇，但完全可以做到咬落有肉汁，色香味俱全，絕對值得推介！」
+2