麥明詩昨天〈26日〉喺網上直播剪短髮，透露為即將監製陳維冠開拍嘅新劇《殺手》決心將長髮剪短。原來麥明詩自小五開始就未嘗試過短髮造型，所以當髮型師落手時，佢都忍不住尖叫兼大嗌好心痛。

剪咗一頭清新短髮，麥明詩回應HK01記者稱：「我都覺得要新嘗試嘅，我都十幾年無試過短頭髮，其實都幾興奮。我知道大家嗰個comment都好兩極化，一邊就話我青春咗似學生妹，有啲就覺得師奶咗。咁我覺得俾啲拍時間我適應下，同嘗試唔同嘅髮型，如果真係唔適合，講真一年半載又係一條好漢，趁後生梗係要試多啲嘢！」麥明詩為劇集犧牲咁大，相信一定會落足心機拍呢部劇。唔知大家又like唔like佢嘅短髮look呢？

想睇麥明詩剪短髮過程，立即睇片喇！