【BB來了】徐榮劇中邊句台詞最尷尬？ 「真係扯爛塊面都講唔出」
撰文：郭芷晴
出版：更新：
徐榮今晚出席《BB來了》活動，對劇集踏入結局週大感不捨。「希望有好消息啦，我等細佬 (黎諾懿) 請食飯先，之後先到我請。」又謂如果監製願意開續集，自己會參演。談到劇集最新劇情，驚爆徐榮的角色之所以一直沒有小孩，是因為自己不舉，徐榮演這幕時也大感尷尬：「大大聲話自己『唔得』喎，呢啲野真係扯爛塊面都講唔出啦，所以我就嬲到離家出走。」
徐榮在最新一集驚爆自己不舉，講對白時都覺得很尷尬。(梁碧玲攝)
徐榮的愛女「包包」現在已經兩歲十個月大，正牙牙學語。徐榮笑說「佢好多野講架！拎住個remote又講，拎住個鏟又講，講啲半鹹半淡嘅中文同火星文。」又說有人曾問過他有沒有興趣讓囡囡參加BB爬行大賽，但奈何囡囡大得快，現在已經不會爬只會跑了。談起女兒，徐榮即展現柔情一面：「我個囡有時會走埋黎攬住我，話唔捨得我去返工，我聽完後即刻唔想返。」笑指女兒嗲功令自己喪失工作動力，「我發左達就真係唔返啦，多啲時間陪囡囡。」