黃智雯鍾意歷史想挑戰古裝 想效法姊妹胡定欣跳出電視框
撰文：冼燕珊
出版：更新：
由黃智雯（Mandy）主演的劇集《三個女人一個「因」》大受歡迎，即使已經播完半年，依然深入民心，更有不少中港觀眾睇好她拎視后，她今日出席彩妝活動，知道觀眾如此支持，也很感動：「其實已經過咗半年，但係依然有觀眾支持，我自己都有留意到，內地一啲討論區仲有觀眾投票支持，仍然得到觀眾喜愛，我覺得好感動，希望觀眾喜愛我嘅熱情，可以伸延到年尾。」
Mandy 今日出席彩妝活動。（黃國立攝）
Mandy 已經挑戰過如此高難度的人格分裂角色，不知她還想挑戰什麼樣的角色呢？她說：「我自己想試吓古裝或者清裝，我好鍾意歷史人物，鑽研角色嘅時候可以了解多啲歷史嘅背景。」
閨蜜胡定欣今年又玩舞台劇，又進軍電影界，Mandy坦言自己都好心郁，想有唔同嘅發展：「好多演員喺自己嘅範疇發展左一段時間，都會好想跳出自己嘅 comfort zone，去挑戰一下自己，見到定欣同馬仔嘅舞台劇，都會激勵到我，好似佢練揈水袖就練得咁辛苦，都只係為咗台上表演嗰3分鐘，我自己都好想跳出電視嘅框框，做一啲另類嘅嘢。」
Mandy 在《三個女人一個「因」》中飾演人格分裂律師表現亮眼，希望未來可以挑戰古裝。（黃國立攝）
見到好姊妹胡定欣有多元化發展， Mandy坦然也很有更多新挑戰。（黃國立攝）