羅孝勇三十而立自爆已為人父：要為養家事業努力衝刺
撰文：吳子生
出版：更新：
羅孝勇出席九龍灣《勁爆樂勢力 Live in E-Max》音樂活動。8月3日剛剛踏入三十歲的羅孝勇，透露當晚同女朋友王丹妮及其囡囡三人行一齊慶祝，仲收到好多朋友的祝福：「其實踏入三十歲，開頭都有啲驚嘅，但喺我再真喺諗清楚之下，自己嘅嘢都慢慢達成目標喇，無論喺演戲唱歌行呢條路都喺啱嘅，同女朋友都行咗好幾年，都有諗過組織家庭呢樣嘢，但現在會Focus喺工作上，因為其實我女朋友本身有個四歲大嘅囡囡，我地三個人一齊住，我已經都算喺一個Daddy嚟，所以現在要衝刺養家活兒。」
羅孝勇在《飛虎之潛行極戰》中飾演國際恐怖分子GI，讓觀眾留下深刻印象，之後會否有更多戲劇作品？「其實喺拍劇方面，希望再有更加好嘅角色畀我發揮，當我做完一個角色後，都會畀之前嘅角色都會多咗戲份，會有更加多對白可以講，來緊我又為一首新歌作好準備，呢次嘅MV我會一手包辦，樣樣嘢都會親力親為，拍攝方面我會做導演嘅，之前用細機拍，呢次會用拍微電影嘅專業機去拍攝，會好有挑戰性。」