ViuTV全新節目《Good Night Show 廣告女王》今日（5日）進行面試，呢一個全新節目有別於傳統選美節目，監製楊任豪接受《香港01》訪問時候表示今次唔算係一個選美比賽：「如果只係選美我哋唔會開呢一個名了，因為除咗女生靚之外，都希望佢哋有個性同有自己想法。」

今次呢一個全新目會唔會被人誤會係抄襲《全美模特兒》？監製楊任豪唔否認呢一點：「可能有少少呢一個成份啦，但模特兒只做模特兒就可以，可以唔洗出聲，但我哋呢個比賽好雖要大家有自己諗法，我哋有任務俾佢哋，要懂得包裝自己。」但好多細節上仲未公佈，問到監製可唔可以透露少少畀大家知先呢？楊任何直言呢一個廣告女皇比賽應該全香港都未有人做過，「我哋集合咗好多人一齊諗，廣告女王係要點呢？係咪似KOL？定好似以前平面廣告咁？我哋仲度緊，準則方面仲有，你要知道百貨應百貨客。」監製重點講到今次入圍嘅女士唔一定全部都係靚女，雖然講靚女會畀人印象鮮明，但今次都好需要大家有想法。