【非一般旅程】做Rambo不是夢 柬埔寨射擊場連火箭炮都可以任射
Netflix節目《Dark Tourist》（非一般旅程）主持David Farrier完成福島輻射之旅後，飛到柬埔寨首都金邊，每次都會參與當地local Tour嘅佢，今次亦都唔例外，不過佢去得嘅，當然唔會係吳哥窟又或者湄公河呢點景點，David要去嘅係唔少真漢子都會玩過番尋味嘅射擊場。
喺柬埔寨有唔少戶外射擊場，由AK47、M16，M60機槍、甚至連RPG(火箭推進榴彈)都有得玩，客人除咗可以揀草屋、空地做靶之外，有傳連動物都可以成為箭靶，為咗證實呢個都市傳聞，David連同幾名英國遊客一齊去到去到射擊場，負責人表示所有鎗都係當地軍隊會使用的，而射擊場嘅部分收入，亦會上繳到軍隊，不過一問到啲錢會唔會用嚟做壞事時，負責人就只係笑言而不語。
David終於鼓起勇氣，問係未可以選擇以生物做靶，負責人表示雞、狗、牛都可以，聽到呢度，David雖然都覺得幾不可思議，但都選擇以400美金入手一隻牛作為射靶，負責人拖來一隻牛之後，就問David到底係想使用「機關鎗定係火箭炮」，手持機關鎗嘅David令一眾同行嘅英國青年甚為不安（其實連佢本人都好不安），最後David宣佈放棄並要求將牛放生，因為佢覺得呢個行為真係非常之瘋狂，但亦如呢當地導遊所講「有錢可以做任何事」。
金邊嘅射擊場到底仲有乜玩？！
David之後去到印尼一個名為Tana Toraja的村落，他所參加的local tour其實係一個葬禮，呢個村落除咗會將夭折嘅嬰兒埋葬於樹上之外，已落葬嘅人，每年都會被移離棺木，後人除會清理棺木，亦會為屍體從新換上衣服，而在過程中，圍觀者更會與屍體自拍，亦會將錢「攝」到屍身中……雖然導遊指呢個習俗係對死者的尊重，但目到呢個奇怪行為的David只係覺得超奇怪，而佢亦從「安排」進行捐贈。
【非一般旅程】勇闖福島「最安全的城鎮」 輻射指數比見鬼更可怕
【非一般旅程】二萬人報名爭去恐怖莊園 玩完身心受創屬於正常？
