【翱翔於天際的夜鷹】跳樓交換身體　校花醜女人生大逆轉

改編自同名漫畫嘅日劇《宇宙を駆けるよだか》（中譯：翱翔於天際的夜鷹）直譯的意思為「你能穿過宇宙嗎」，單睇呢個名其實唔太聯想到故事內容，但於Netfix以《Switched》上架，感覺最為貼切。故事講述高中生步美（富田望生飾）有顏值有幸福家庭，準備接返青梅竹馬嘅秀才公史郎（神山智洋）表白之際，突然與因外表而受盡欺凌嘅同學海根然子（富田望生飾）交換了身體……
 

兩女調換靈魂後，中生步美嘅另一青梅竹馬火賀馬上就發現，除了陪伴在則開解佢之外，又另班上的同學唔再玩排擠，二人感情更一日千里，火賀更坦然唔會介意海根然子的外表，令處於呢個驅殼之內的中生步美十分感動。與此同時，中生步美嘅青梅竹馬秀才公史郎，亦好快發現靈魂對調一事，但佢就同海根然子表示唔緊要，更透露表白係因為自己雖然品學兼優，但總不及好友火賀受歡迎，於是就搶走對方嘅女神中生步美……如此幼稚嘅行為，同海根然子真係超夾，之不過，公史郎雖然得到了女神，但就一啲都唔滿意，佢更希望可以同火賀對調靈魂……
 

其實《Switched》劇情同早年大台劇集《無頭東宮》美女變醜婦差不多，而就算係靈魂交換咗，但性格始終如一。就好似中生步美得到了海根然子又肥又醜的外表後，憑其樂天個性成功令到同學唔再排擠自己，兼令火賀真情表白。唔少漫畫迷睇完《Switched》後，都表示劇集大致跟漫畫一樣，各個經典場面亦以超水準方式重現，再加上每集為35分鐘，所以6集隨時半日就可以追完。