天堂鳥強勢回歸香港樂壇 誓要擺脫「Mk Pop」形象

撰文:
最後更新日期:

天堂鳥(Bop)知道就快七夕,但一諗起個日要工作,又要對住大家,覺得有少少淒涼。(梁碧玲攝)

天堂鳥(BOP)今日(12日)聯同林欣彤出席夏日活動,現場除咗玩遊戲之外,亦講到七夕即將來臨。訪問中問到天堂鳥佢哋七夕點渡過,三人有一點灰心回答:「咪就係大家對住大家,宜家所有節日都係我哋一齊渡過,好淒涼,成日見到對方已經好悶。」不過除咗灰心之外,BOP佢哋講到節日見到大家證明係要工作,都係一件好事,工作為先。

Bop強調好想番香港發展,所以今年會出新歌。(梁碧玲攝)

BOP三子近年一直於內地發展演藝事業,並唔係因為之前嘅合約問題而唔留喺香港。三子亦講到,香港始終係佢哋嘅家,所以今年會留喺香港推出兩首粵語歌曲。「其實我哋好掛住香港,之前將中心放喺內地,所以今年會推出兩首新歌俾粉絲,因為真係好想返香港俾大家睇到我哋全新嘅一面。以前大家可能會覺得我哋比較年青,宜家想要俾成熟一面大家睇。」BOP咁講,其實係咪誓要擺脫「Mk Pop」形象?三子其實好希望可以擺脫:「希望大家多啲包容,如果大家認為Mk Pop係負面形象,我哋當然唔想啦。不過每個人定義唔同,亦希望大家多留意我哋,支持我哋。」

Bop對於旺角殺街係表示讚成。(梁碧玲攝)

作為「Mk Pop」三子當然有留意旺角殺街事件,Bop讚同呢一件事情:「其實同當初原意變質,之前係想希望大家將香港藝術文化提升,但最後變咗唱卡拉Ok地方,對於我哋又好,旅客又好,都變咗一個旅遊唔好嘅形象,其實唔一定集中旺角,其實香港處處都多人,如果大家有心搞藝術,你喺邊到都可以,好多地方好空曠,唔好令到多人嘅地方再更加多人。」三子最擔心尖沙咀嘅表演者,因為大媽轉戰尖沙咀,擔心日後亦要殺街。

+4
+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。