【森美旅行團2】煎蛋鰻魚蓋飯睇到流口水 森美食相Man爆
撰文：張嘉敏
出版：更新：
今集得森美一個主持。
全新一輯的《森美旅行團》昨晚播出了第一集，今季的主持人除了有森美，仲有麥美恩、吳若希以及丁子朗，而第一集全程就只得森美一個。不過森美獨腳戲都一樣無問題，睇得出他有做足功課，所介紹的京都美食真係令人睇到流晒口水，其中的厚蛋治同鰻魚玉子蓋飯就非常高質。
遲啲先有得睇吳若希浸溫泉。
鍾意食蛋治同鰻魚飯的朋友絕對不容錯過森美今集的介紹，他介紹了京都一家Cafe入面一款厚蛋治，單是睇個賣相已經好吸引，三文治中間夾住的蛋目測有成3寸厚，就連那兩片白麵包都軟熟得來有彈性，森美用手感受完有幾彈仲話：「就好似少女嘅肌膚咁緊緻又有彈性。」蛋同麵包的配合簡直係完美，好可能就係世界上最好味的厚蛋治。
森美手中件厚蛋治好吸引呀。
另外森美介紹的鰻魚蛋最特別之處，就是有一大塊煎蛋蓋在面上，一來可以為鰻魚保溫，二來同鰻魚一起吃又可以提升味道同多重的口感，再加埋森美食到一臉滿足個樣，真係隔住個芒都feel到有幾好食。
呢個鰻魚飯同樣係不得了。
相入面有呢兩間店嘅地址㗎！
+12