李綺雯（𡃁妹）今晚（13）現身飲食節目《董事廚房》做飲食嘉賓，同場有關楚耀、陸詩韻、敖嘉年，楊卓娜等人。近期「升呢」做老闆娘嘅𡃁妹，今晚為大廚煮嘅餸菜，添加上自己品牌米餅，令餸菜錦上添花，「我呢個品牌嘅米餅喺配合啲餸菜度一齊食嘅，啱啱我地將啲米餅放咗喺老少平安餸菜上面， 可以多啲口感，小朋友都會好鍾意。」

𡃁妹因為自己喜歡食米餅，便與兩個朋友擔粗粗索性做老闆，由生產以致包裝都喺泰國，更將米餅放在「Big Big Shop」發售，「生意做咗都差不多一個月，未知生意額喺幾多，仲未埋數，其實數字嘅嘢我真喺冇乜點理，佢哋話幾多就幾多。」生意額會唔會過百萬呀？𡃁妹笑言：「其實我地賺得好微利㗎，你唔好咁啦，一陣稅局追我哋呀。」小富婆之路應該唔遠，有時候做藝人都要為自己尋找新路向。