【博愛慈善籌款】可嵐新戲擔正女主角 將赴蒙古拍攝：覺得好幸運
撰文：吳子生
出版：更新：
歌手可嵐（Colleen）出席沙田舉行的「博愛月全港慈善籌款2018」活動。作為博愛大使的Colleen，為籌款滿場飛並為團體打氣：「其實我喺博愛醫院出世，流住博愛嘅血，又我出道都依家，都喺擔任博愛大使，因為生於博愛，都要回饋番佢哋。」
可嵐唱歌了得，原來仲喺一名咖啡師（梁碧玲攝）
2008年Colleen推出《女生不哭》在歌壇闖出名堂，2010年因奉子成婚閃嫁餐飲業尤子威，為愛情放棄事業，這段婚姻只維持四年而終結，此後Colleen獨力照顧兒子：「嚟近我下星期會去飛去內蒙古拍電影，所以安排仔仔參加足球游水活動，男仔喺需要強壯嘅身體，所以要鍛煉佢，有幸有國內投資者及公司，搵咗我做呢套電影做女主角，今次故事喺講我一個攝影師，因在香港發生交通意外雙眼盲咗，昏迷期間有一位內蒙古少女，捐贈左一對眼角膜畀我，後期發現捐贈者在港冇親人，我將佢嘅骨灰送上內蒙古比番佢屋企人。」
可嵐下星期日飛去內蒙古拍電影（梁碧玲攝）