男友推介整容醫生治療額頭傷口 蔡卓妍：個醫生好叻，逐層逐層縫
撰文：朱奕錦
出版：更新：
久未亮相的蔡卓妍（阿Sa），昨日（22日）以ANIRAC跌膊黑色衫襯紅色珠片褲出席活動，早前她因玩Wake Surfing（無繩滑水）導致眉上位置受傷，如今已經好得七七八八，不講又真是不覺有傷口：「因為搵咗一個好叻嘅整容醫生幫我縫，即係唔係好似平時嗰啲人咁縫，佢係逐層逐層縫，因為嗰傷口好深呀，見骨呀，咁所以佢就由下低嗰層慢慢縫上去。」不過阿Sa並沒有因為這個小意外而打退堂鼓，表示自己依然好鍾意玩水上活動，笑言下次會戴頭盔玩。
不講不知，原來這位出色的醫生是阿Sa男朋友介紹，她透露對方有好多醫生朋友，受傷之後向他們尋求意見，從而推薦了這位醫生。
阿Sa以ANIRAC跌膊黑色衫襯紅色珠片褲亮相活動，早前因玩滑水整傷的傷口已經好得七七八八。（梁碧玲攝）
阿Sa8月初玩滑水導致眉上位置受傷，傷口深到見骨。（IG圖片）
除此之外，Twins的另一位成員鍾欣潼（阿嬌）最近也受了傷：「佢去影月食定係咩呀嘛，跟住佢嗰部相機重得滯，咁就成個人跌咗落地下，佢嗰個都好傷呀隻腳。」兩位好姊妹真是「有福同享，有難同當」，連阿Sa也笑說和阿嬌「一條命」。
阿嬌也差不多在同一時間受傷。（IG圖片）
其實阿Sa近排一直忙於拍攝新戲，在戲中要做幾個階段，幸好現在拍攝的這個階段，造型上頭髮可以遮住傷口，所以對工作影響不大：「有一場係講被人虐待嘅，咁所以成頭都係血同埋傷，咁嘛OK啦，唔使化特技妝。」現在傷口有一條好細的線，阿Sa自認應該不會留疤，不過隨即便無奈地說「如果有都無辦法啦」，言語中略帶些許擔憂。
雖然傷口現在只是一條好細的線，不過阿Sa未知會不會留疤。（梁碧玲攝）