《珠光寶氣》最近重播，當中阿夢〈岑寶兒〉飾演的藝人蘇敏以泳裝亮相，相當搶鏡。阿夢2000年參選港姐入行，雖然落選但就被掌門人曾志偉公開賞識，風頭一度蓋過得獎佳麗。她經常被人感覺魂遊太虛，「發白夢」亦成了她的招牌。對於自己有份參演的《珠光寶氣》最近重播，阿夢接受《香港01》訪問時都稱自己晚晚都有追。

現時已是「全職媽媽」的阿夢透露：「一到深夜時份，趁囡囡瞓著咗，我就可以煲下劇，《珠光寶氣》劇情咁緊湊，演員同畫面都咁靚，我近排晚晚都追。」阿夢亦分享當年拍攝的趣事，她笑言：「當年呢套劇首映喺郵輪度搞，好Grand咁，個個演員都著到靚一靚，而我著住條晚禮服勁長，著住高跟鞋又好論盡，有個環節要個船仔落水，我Kick倒，差啲跌落水。」

對於自己放棄幕前演出，全職湊女，阿夢就話相當享受：「做媽媽真係好攰，但有前所未有嘅快樂，我暫時都係全力照顧囡囡，因為要湊佢、教好佢真係要花好多時間同心機，所以冇刻意追多個，一切隨緣。」問到佢有無打算復出，阿夢就稱：「有網友掛住我，我真係好開心，多謝大家！我覺得自己將最青春同最靚嘅時間，可以貢獻畀大銀幕，已經覺得好無憾。現在，始終階段唔同，囡囡需要我，我亦需要佢。不過，如果真係有適合嘅劇本揾我，我都唔排除有演出嘅可能，都係一切隨緣吧！」