《香港小姐2018》由陳曉華（Hera）奪得冠軍寶座，賽前忙採排、忙練習才藝表演、忙出席宣傳活動，其實賽後得獎之後一樣忙。陳曉華（Hera）今日（8月27曰）接受《香港01》訪問時說：「（尋晚）返到去係東張西望嚟家訪，其實我好suprice因為啲朋友呃我話返咗屋企。原來一直都匿埋咗喺我屋企，之後我哋就一直傾計，傾到去4，5點，但係就冇特別慶祝，其實好開心，因為我哋有成個半月都冇見過。」不過，陳曉華（Hera）透露，原來自己返到屋企之後就是「醫肚」。「本身我係好想食一碟菜，但係返到去實在太攰，所以後尾都冇煮到，所以最後我就食咗公仔面，但係都好開心。（咩味？）辛辣面。」

講起得獎後最想做的事，陳曉華（Hera）就表示最掛念屋企人。「我最希望係同佢哋食餐好嘅，因為我呢個半月都冇乜見過佢哋，每晚返到去嘅時候，佢哋都瞓咗；我起身嘅時候佢哋又瞓緊。」選舉以來，其實大家都知Hera有個圈內男友（狄易達），不過Hera就表示未收到他的祝賀。問起當選後會否努力賺錢再買返層樓，她回答說：「宜家都係同屋企人一齊住。希望係事業先，買樓都係遲啲先。（第時同男朋友結婚之後一齊住？）首先我要有個男朋友先再諗。」