直認中文欠佳堅持每日學新字　岑麗香：比生仔更有挑戰！

岑麗香今天（2日）出席極限挑戰賽活動，問到香香今天參與活動的感覺，香香笑言：「小時候有玩過，喺學校運動會嘅時候，不過人長大後就冇再玩過，所以今日好開心，唔覺得好辛苦，初初叫我爬上的士我心諗，得唔得㗎，不過啱啱試完其實好容易，好好玩。」

再問到香香其實覺得人生最大挑戰是什麼？香香表示覺得這個問題很深奧，「如果係問到生仔嘅話唔會係最大挑戰，生個一刻可能會係，反而我覺得每一日學下新嘅中文字都幾有挑戰。」香香的說法代表中文程度已經好了很多？香香直言：「自己中文程度又唔會講好好，不過好過之前囉。」

早前香香透露有意轉戰影壇，問到有這個心理準備？香香指暫時還沒有心理準備，但可不可以向大家透露拍什麼電影？香香坦言：「詳細不能透露，可以講係拍一部賀歲電影。」