楊愛瑾呻歲半囝囝活動多過自己：星期一至五都同佢出去玩

每天都跟囝囝如膠似漆的楊愛瑾（Miki），昨晚（5日）卻要掉低愛兒隻身出席時裝活動，不過她已早有安排：「媽咪幫我湊住佢，佢好早瞓，所以夜晚event都ok。」Miki說現時歲半的囝囝很忙，並幫他安排了不同以玩樂為主的活動：「我基本上星期一至五都同佢出去玩，佢嘅活動仲多過我自己。」

她指囝囝對所有事物都感到很好奇，現時能說基本的單字，並開始學習發兩個音。被問到囝囝現在跟誰比較親，Miki說：「梗係媽咪啦！公平啲講，我見佢機會多啲嘅。不過都好黐爹哋嘅。」

提到好姊妹鄧麗欣（Stephy）最近與台灣男星邱勝翊（王子）蜜運中，問Miki有沒有「催」她？Miki回應：「呢啲唔催得㗎，愈催愈弄巧反拙啊，等佢哋自己慢慢發展啦。」雖然Miki還沒有真正跟王子見過面，但已經能感覺到Stephy與王子非常甜蜜。