單睇Netflix新上架的《First and Last》好難估到底講乜，但一睇中文名《入冊出冊的那兩天》就即時明晒，一連六集嘅《入冊出冊的那兩天》將會去到喬治亞州昆內特郡監獄，拍攝等候假釋以及即將出監嘅不同人仕。當中有初嚟報導嘅青年、3年多因醉酒犯事嘅慣犯、因持有武器被捕的黑人，亦有大婚在即的青年……雖然大家都有著不同的理由而被捕，但幾乎都會講出同一句說話：我無錯！對於慣犯來說，雖然呢個係監獄，但亦都可以話係佢哋嘅天堂，因為至少三餐溫飽、有瓦遮頭，節目中，好幾名人仕被釋放後，快則幾天，慢則幾個月之內，又會再犯同一樣錯誤而重返監獄。

節目中，27歲嘅Jarid M. 因為搶劫、非常侵入、隱藏武器而被捕，保釋金額為七千美金，由於Jarid M.翌日一早就要去見工，而呢份工約有十萬美金年薪，對佢來說十分重要，所以既擔心朋友能唔能夠籌夠錢保釋，另一面亦十分擔心自己嘅「案底」將被新僱主發現。

兩子之母Brittany R因與未婚夫發生爭執而被捕，而佢更因為手機爛咗，所以諗唔到任何電話號碼，其他犯人見佢心急落淚都即時加以安慰，最後佢更透過其中一名獄友打電話比媽媽時，請對方幫忙登入自己email，搵到屋企人的聯絡方法，成件事都幾人間有愛。不過，等待永遠是最痛苦的，Brittany R聯絡到屋企人時，已經過了保釋時限，所以佢要換上囚犯制服、接受裸體搜身等等動作，由拘留室轉去獄倉渡過人生最難熬的48小時間。