湯洛雯暴肥脹大幾個碼 好姊妹朱千雪：我同佢都好瘦係標準身型
撰文：吳子生
出版：更新：
朱千雪今日（14/9）出席尖沙咀國際頂級朱古力品牌活動。中秋佳節人圓兩團圓，中國傳統過時過節唔少得會有月餅。「中秋節我會同屋企人過食餐飯啦，過節都會買月餅送俾親戚朋友，自己好鍾意食月餅，味道有甜有咸嘅月餅，我都鍾意食，記得細過嘅時候，媽咪怕我肥，唔俾我食咁多，一個月餅要成家人分，每人食少少，到最後咪又喺肥，都唔關食唔食月餅事。」
朱千雪今個中秋節同屋企人過，男朋友因工作忙嚟唔到香港。（陳順禎攝）
好姊妹湯洛雯近來暴肥至120磅，又靚湯變肥湯，還表示會積極減肥。千雪笑言：「大家唔好再講我哋兩個啦，其實我哋兩個都好瘦㗎，不過可能其他同事比較瘦啲，其實我同佢喺標準身型，我同佢本身都好鍾意食甜品嘅人，有時候工作壓力咁大，做嘢又咁辛苦，搵到自己鍾意嘅嘢就唔好停。」
正修讀法律博士的朱千雪希望今年能考獲好成績，繼續可以升班。（陳順禎攝）