【颱風山竹】汪阿姐做足防風措施 黐玻璃窗中途發現唔夠膠紙

撰文:
最後更新日期:

汪阿姐都有做好防風準備。

超級颱風「山竹」襲港,天文台更於周日 早上(9月16日) 掛了10號風球,各界事前都已全力做好防風措施,最基本同最多人會做的,就係為玻璃門窗黐上膠紙喇,汪明荃 (汪阿姐) 亦都唔例外。汪阿姐早於上星期五 (14日) 就為家中的玻璃窗黐上膠紙,以防「山竹」吹爆玻璃周圍飛。她還於facebook上載了兩張家中黐好膠紙的玻璃窗相,留言提醒大家:「“山竹”來勢洶洶,不能掉以輕心,正在做防風措施。各位市民都要小心呀!」

可以睇到阿姐屋企。

而周六 (15日) 汪阿姐都有繼續做定防風措施,黐完屋企的玻璃窗,就輪到她的排舞室了,她呢次也有於facebook上載黐玻璃窗的相,仲求救咁問大家:「在排練室做好防風措施,發覺縐紋膠紙不夠用、怎麼辦?」唔少粉絲都留言話可以送膠紙給汪阿姐,又話膠紙價錢被炒貴了好多,叫她唔好買。

阿姐唔夠膠紙呀。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。