63歲趙雅芝現身央視仙氣震驚內地網民 不老之謎全靠日日做瑜伽
撰文：鄺鈺瑩
出版：更新：
趙雅芝同仔仔黃愷傑一同現身央視中秋晚會節目，唔少網民都認為二人似姐弟。
近年鮮有參與幕前演出嘅趙雅芝，日前聯同仔仔黃愷傑（Wesley）現身央視中秋晚會，並合唱一曲《問情》，身穿一身薄紗長裙嘅趙雅芝一出場，即時令唔少網民甚為驚訝，原因係太過仙氣，一啲都唔似已經63歲，同仔仔黃愷傑似姐弟多過似母子，「趙雅芝兒子」一詞更因而整晚出現於微博熱搜當中。
點睇都唔似63歲。
曾為無綫花旦之一嘅趙雅芝歷年來有唔少代表作如 《上海灘》、《新白娘子傳奇》、《京華煙雲》等等，年屆63嘅佢雖已為三子之母，但由於保養得宜而故素有「不老女神」的稱號，能夠力保不失呢個稱號，趙雅芝就曾經話過：「要食得健康，同埋要運動，自己幾乎每日都會做瑜伽，可以鬆吓啲筋骨，如果好忙都會隔日做。飲食方面最緊要均衡，同埋少食多餐，唔好食咁多肥膩嘢。」聽落好似好簡單，但要Keep住日日做都唔易㗎。
26歲時客串電影《失業生》時勁Pure。