【再創世紀】周柏豪堅持打後空翻差啲撞頭：我係一個固執嘅人

周柏豪、連詩雅今日（8/10）出席銅鑼灣舉行的著名品牌活動。周柏豪早前在上海巡演採排時，打後空翻動作時頭部差點先著地，幸好有條帶拉住，避免嚴重受傷。「其實講返當時一刻，自己都好驚，諗住個人上到半空，一收隻腳會過到地下，點知自己隻腳可能嘅力唔夠，個頭嘅方向落地，當時幸好自己條腰有條帶拉住個舞蹈員，佢幫我拉一拉條帶，幫我卸一缷啲力，好在冇事，睇返片自己都覺得好危險，但上海站我就打唔到，中山站我又打到，啲粉絲喺網上都叫我唔好再打咁危險，其實我係一個好固執嘅人，啲人叫我唔打，我就要打，都覺得自己幾麻煩。」

周柏豪近年密密拍劇，有《再創世紀》及剛煞科不久的《多功能老婆》〉變成多產藝人，工作一浪接一浪，明天更一早出發橫店拍戲第二輯內地網大，飾演「孫悟空」，由徐克班低人馬製作。「時間真係好趕，做完呢個活動，又要趕去錄音，要離開香港一個月，今次係拍第二集，係全新形象拍攝，講我唔係一隻馬騮樣，係已經變成一個佛樣，所以今次都幾特別，嚟近第一集將會首播，大家好快有得睇。」