陳柏宇正式宣布囡囡中文名叫羿辰　網民：個「羿」字好難讀呀

陳柏宇 (Jason) 自從老婆符曉薇於上月25日為他誕下囡囡後，他就在ig公布喜訊並透露囡囡的英文名叫Abigail，並即時化身做曬B狂魔，瘋狂出Post大曬囡囡個得意樣，keep住update囡囡最新消息同大家開心share，還以囡囡名意幫她開了一個ig帳號。呢日Jason就於囡囡的ig上正式宣布囡囡有中文名喇。

Jason post了囡囡的出世紙上顯示中文名字的位置，見到他囡囡的中文名叫陳羿辰，並留言表示：「I now officially have a chinese name!!」粉絲同網民都紛紛留言同羿辰BB打招呼，不過亦有不少人話個名入面的「羿」字好難讀，而這個字就是中國古代傳說英雄人物后羿個「羿」字喇。據知，Jason囡囡呢個名是請師傅計算囡囡時辰八字所改的。

一齊睇下羿辰BB啲相啦。