【陳展鵬結婚】馮盈盈講漏口要做BB個契媽 唔通單文柔已經有咗？
撰文：林迅景
出版：更新：
馮盈盈（FYY）與麥明詩（Louisa）昨晚（10月15日）一同出席陳展鵬與單文柔的新婚派對。說起來其實馮盈盈與單文柔份屬同一屆香港小姐。雖馮盈盈贏得香港小姐冠軍，但卻被落選的單文柔「爬頭」成為人妻。馮盈盈與麥明詩接受《香港01》訪問時，被問到會否羨慕幸福的單文柔結婚，麥明詩回答說：「羨慕佢搵到個好老公囉，因為快慢呢啲嘢就唔重要嘅。最緊要係佢錫你同埋佢哋長久幸幸福福，同埋生多個BB囉。」馮盈盈補充：「到時就可以認做契媽。」
問起馮盈盈（FYY）同麥明詩帶咗乜賀禮，馮盈盈就即時做咗個心形手勢（即係心意），而麥明詩就做咗金錢手勢，果然實際。（林迅景攝）
莫非馮盈盈已經知道單文柔身懷六甲？馮盈盈就即時解釋說：「唔係！我係話如果有嘅我一定會認頭做契媽。」而問到拍拖多年馮盈盈的何時會拉埋天窗結婚，她就打趣說：「我都覺得差唔多，10年內都差不多。」在旁的麥明詩更補充說：「填埋個海都差唔多。」馮盈盈：「填完個海先有屋住吖嘛，係咪？（男朋友想幾時結婚？）佢就一直都ready嘅。」馮盈盈在訪問中更透露，原來想介紹有一位心臓科醫生給單身的麥明詩。
馮盈盈話想做契媽，差啲以為單文柔有咗添。（林迅景攝）