黃偉文珍藏超過50首未出版歌詞 網民希望有「手稿展」

撰文:
最後更新日期:

黃偉文(Wyman)今日(16日)出席化妝品牌開幕活動,提到上星期事隔10年再次與容祖兒(Joey)到韓國首爾出國工作,但卻被Joey的蝦碌搞到非常無奈:「聽佢話坐咗一個鐘頭車,喺天寒地凍嘅首爾街頭,最後去咗間佢話好好食,但去到變咗地盤已經被人夷為平地嘅一個經驗。」Wyman有沒有多多照顧甩甩漏漏的Joey?他搖頭:「Take care唔到咁多,最初都有嘗試嘅,但都咁多年,都知道佢係咁㗎喇,所以但求自保啦,盡量自己唔好瀨嘢!」

黃偉文表示廣東歌詞是不能循環再用的,沒被採納雖然可惜但仍要學會接受。(黃國立攝)

日前Wyman在社交網站上公開一首未出版的歌詞手稿,他表示自己作詞無數但仍有很多作品未能出現在大眾眼前:「廣東歌係要跟個旋律㗎嘛,其他語言都仲可以抽返個歌詞出嚟搵另外啲人去重新譜過個旋律。咁廣東歌要攞個歌詞嚟譜個新旋律基本上係幾難嘅,亦無人會願意花呢個時間,所以所有無被採用嘅歌詞都係我自己收藏返。(會唔會都有50首?)咁一定唔止啦!」

有網民提議Wyman順勢開手稿展,他說會想想辦法看看有沒有別的方式公開手稿。(黃國立攝)

有網民鼓勵Wyman開「手稿展」,他表示特意開手稿展太刻意:「諗吓有冇第二啲方法可以畀想睇嘅人睇到啦,專登搞個手稿展好似好大件事咁,但如果我聽到夠多嘅聲音想睇嘅話,我諗個方法整出嚟吖。」

Wyman說希望Joey的大頭蝦不會影響到自己!(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。