《跳躍生命線》開始進入結局篇，上星期雄姐張彥博出勤時遇上意外殉職一幕，令觀眾大叫不捨。唔知大家仲記唔記得，當雄姐同傑仔（何廣沛）去到唐樓時，原先係傑仔企喺房間最入面，但為令雄姐方便檢查病人維生指數，於是提議調位，但勢唔到會唐樓榻陷令雄姐提早離場，傑仔因而十分自責，放工亦唔願返屋企，祈祈得知後主動去照顧裘叔，怕且傑仔知道後應該會大為感動。喪禮上，曾於學堂對傑仔十分嚴格嘅刑Sir（鄭子誠）激勵眾人秉承雄姐遺志，加上麥Sir的鼓勵，令傑仔重新振作。

另一邊廂，之前因愛兒遇溺而頻頻報假案嘅父親阿倫，繼續咬住麥Sir唔放，今集除買兇襲擊對方之外，更於暗處監視麥Sir一家人，結果更險令諾兒發生意外……