【跳躍生命線】遇溺男童父親連祈祈都唔放過 傑仔係時候英雄救美
撰文：鄺鈺瑩
出版：更新：
今集到歡姐同佢個仔出事……
《跳躍生命線》進入結局篇，繼「雄姐」提早落更後，今晚嗰集又有人出事！劇中不時煲老火湯、糖水俾一班救護員，連雄姐都要叫聲佢做「大眾契媽」嘅歡姐（朱咪咪飾）今集被發現原來患上認知障礙症，而佢更因而刺傷自己個仔阿佳……其實之前幾集已經有提過歡姐唔小心刪除手機應用程式，又試過煲燶粥、整親手，相信以上都係編劇悉心嘅編排，真係不得了。
祈祈被人跟蹤，傑仔火速上門探望，表白係時候啦……
《跳躍生命線》每集都可以話係悲喜交集，舖排咗N集嘅感情線，今集將會繼續進行……又係考大家記性時間，仲記唔記得上星期有一集講傑仔想約祈祈出街，仲同佢講咗一大堆嘢，點完原來祈祈聽緊歌，今集就會講到原來祈祈當時只係扮聽唔到，而傑仔心意佢一早已經收到晒，但今集能否表白成功呢？真係要睇落去先知。
呢兩位（Luna、俊仔)今集都和好如初。