今天（19日）對梁詠琪（Gigi）來說是一個重要日子，與老公的童裝店開幕日，Gigi表示心情並不緊張：「其實今日好多朋友都嚟，佢哋都係義務嚟撐場同支持，同佢哋一講開鋪，佢哋二話不說就答ok嚟幫手，緊張又無，但太多人要感謝。」

這次Gigi選擇做童裝品牌生意全因是她女兒出生後經常去到西班牙物色一些童裝給女兒，所以就帶這個牌子來香港，不過香港出名鋪租昂貴會否成為壓力？「其實香港地鋪貴都唔係第一日嘅事，都要面對呢個壓力，但我哋覺得希望做到收支平衡，最緊要家庭生活都可以做埋平衡，呢個係我哋做生意初心。」至於投資了幾位數Gigi說不用她說出來，其實大家也可以猜測到。

除了忙於生意之外Gigi也一直在拍攝電影，她也很感激劇組遷就她，「依家拍戲都有得就時間，我會同劇組講盡量畀我接埋囡囡放學先開機，咁如果真係唔得都會畀先生照顧，不過做生意已經唔洗朝九晚五，好多事情都可以控制屋企做。」