【林師傑結婚】林師傑半首冧歌贈歐陽巧瑩：下半生由我哋一齊寫！
撰文：李文偉
出版：更新：
歌手「木偶哥」林師傑與拍拖三年的女友歐陽巧瑩（Tammy）拉埋天窗，今晚在尖沙嘴舉行婚宴，筵開36席與親朋好友分享喜悅。
二人婚禮從簡，沒有接新娘等傳統環節，師傑感謝家長支持：「佢哋都話唔需要做足傳統，今日第一個節目就係瞓晏啲，係一個好幸福的婚禮，畀我有時間準備好隊Band，阿Tam就可以同姊妹著到靚一靚。」
林師傑應要求親吻「林太」歐陽巧瑩，嘴足二十秒表情享受。（梁碧玲攝）
問樂隊是否準備給太太的驚喜禮物？師傑笑說：「我作咗首歌畀太太，叫《美麗的妳》，因為我平常習慣沈澱一下再寫，首歌暫時只作咗一半，樂隊就好貼心用樂器幫我將下半演繹出嚟。因為我哋嘅時間都係剛剛開始，下半生會由我哋一齊去寫。」
林師傑今晚在尖沙咀宴客，大批圈中好友到賀星光熠熠。（梁碧玲攝）
而Tammy好感謝一班親朋好友到場送上祝福：「見到佢哋喺身邊為我哋奔波，自己好感動，因為我自尊心強，最辛苦係強忍淚水。到宣布結婚至今感覺似一個月，時間過得太快。」
問到二人年底結婚，是否考慮趕生豬仔？師傑說：「會想生仔，但想發掘一下新嘅自己，一齊經歷一下夫妻生活先。」
+11