所謂「煩惱絲三千」，即使有頭髮都要有一個適合自己的髮型才能成事，但其實光頭都可以型英帥！近日有網民以「邊個男藝人可以carry到光頭」為題公開討論，大家又估唔估邊位男藝人會上榜？
光頭彷似已經成了張衛健的生招牌，至於點解佢會多年都都保持光頭？有指當年佢喺台灣拍古裝時，因為無好好保護頭皮，導致頭髮無法再生。（視覺中國） 其後張衛健曾於《The Big Four演唱會》中，剖白佢光頭嘅原因，佢話當年拍完《西遊記》後，曾遭大台高層以「你記住，你塊面無毛係唔值錢㗎！」指責，後來張衛健因《少年英雄方世玉》和《小寶與康熙》再次爆紅，某日佢諗起呢位高層嘅說話，於是索性剃光頭，為嘅就係證明自己冇毛都可以好有價值。（視覺中國） 曾為劇集《鹿鼎記》剃頭嘅劉德華，早年為拍攝《大隻佬》而剃頭，但其實當初導演杜琪峰提出要求時，華仔曾擔心剃頭走樣，並打算用頭套了事，但最後都決定剃頭，變身光頭和尚。（視覺中國） 為咗《大隻佬》，劉德華唔止剃頭，仲試過裸跑。（視覺中國） 既然光頭look好評如潮，華仔之後喺《新少林寺》時再次剃頭，一樣係咁靚仔。（視覺中國） 霍建華首次剃光頭係因為內地電視劇《鏢門》，有指佢當初睇完劇本，去同劇組開會時，就已經剃光頭，意思係佢一定要演出呢部作品。 霍建華拍畢《鏢門》後兩年，接拍了《如懿傳》，並再次剃光頭，今次外間對佢光頭look都一致好評，並以「帥到剩精華」去形容佢，有無咁誇張？！ 同樣係因為光頭而獲高度讚賞嘅，仲有聶遠呢位乾隆。之不過，其實佢早年於《大玉兒傳奇》同《繡春刀》時，就已經試過光頭look。（視覺中國） 《延禧攻略》爆紅之後，聶遠連同吳謹言、許凱一齊拍攝時尚雜誌，但唔知係未得罪造型師，竟然安排一個假髮俾佢，粉絲見到之後都不敢表示：「原諒我沒認出那是聶遠」、「皇上快把假髮摘了吧」 本身就已經係一件行走的藝術品嘅梁朝偉，無論係為電影定劇集都試過光頭，《鹿鼎記》時期嘅佢絕對可以用可愛去形容。 今年初，梁朝偉因電影《捉妖記2》而再現光頭。（視覺中國） 同樣係有顏值就是任性嘅彭于晏，2013年為電影《激戰》而初嘗光頭滋味。（視覺中國） 相個彭于晏嘅髮型係點，一眾彭太都表示欣賞。（視覺中國） 同樣係於戲中做和尚嘅，仲有阮經天，於徐克嘅《狄仁杰之四大天王》中，阮經天為演神祕高僧一角而剃光頭，睇落又真係幾超凡脫俗。（視覺中國） 阮經天近年主力發展內地市場，最終以《扶搖》絕地翻身，一洗頹氣。（視覺中國） 徐錦光早年為了方便拍攝，於是開始剃光頭，但估唔到佢老婆殷祝平竟然提議「一家三口陪你光頭」，起初剃光頭都以為老婆講笑，但當佢拍完戲返屋企時，老婆同仔仔都已光頭，徐錦光為此十分感動。（視覺中國） 如果話有頭髮會引起觀眾不安嘅，相個一定有Bob林盛斌份。 其實要數「邊個男藝人可以carry到光頭」，圈中真係有唔少，羅家英同麥嘉都係網民心目中的人選。