綠葉王彭皓鋒揚名海外　遺憾媽咪已經不在：喺我攞獎之前就過咗身

前TVB藝人彭皓鋒在TVB拍劇超過16年，一直默默耕耘，多年來演過無數角色，當中最常演收數佬、黑道之人，可以算是「御用惡人」。在2012年他決定離巢，曾簽約HKTV，後來轉戰內地發展。2016年，彭皓鋒終於憑網路電影《老師上錯身》入圍《美國荷李活國際電影節》，並成功奪得「最佳男配角」。2017年，他又憑《破冰》奪得《加拿大金楓葉國際電影節》網路電影組別「最佳男主角」，揚名國際！

彭皓鋒是歌手彭嘉麗的弟弟，1996年參加無綫電視藝員訓練班後成為TVB藝人。雖然在TVB多年來只是演綠葉角色，但他都沒有埋怨，他在接受《香港01》訪問時表示：「唔會覺得埋沒人才，始終TVB係個好好嘅平台，拍劇拍得密，機會比起內地演員都要多。演繹過唔同角色之後經驗多咗，自己嘅感受都多咗，應對角色都感覺輕鬆啲。」

兩度在海外奪獎，彭皓鋒也很開心獲得肯定：「覺得自己好好彩，身為一個香港人，可以喺外地得獎，好開心得到認同。」彭皓鋒當年離開TVB之後，亦曾經一度感到失落，他坦言：「跳咗出去，範疇細咗，自己喺內地又唔識人。」幸好在2013年劉家豪與梅小青夫婦邀請他拍攝內地劇集《衛子夫》，劇集播出後反應好，也為他帶來更多工作機會：「識多咗人，慢慢開始有人搵我拍劇。」

彭皓鋒還透露剛剛拍完TVB劇集《解決師》，在劇中飾演商人的他，形容自己的角色「非常壞」，這次也是劉家豪與梅小青夫婦找他出演：「今次係特登返嚟拍，佢地係我救命恩人，所以我二話不說應承，多謝佢地。」彭皓鋒表示現在與TVB簽的是部頭約，有適合的角色就會演，對於未來發展，他笑言：「人工OK嘅話都好架，但始終喺出面闖多啲經歷，去完美國同加拿大之後都會拍嗰邊啲劇。不過演員都係被動，宜家冇同TVB簽約，機會少咗都唔出奇。」

彭皓鋒在2007年跟圈外女友結婚，現有三個小孩，他亦很感激太太的支持，但對於另一個生命中最重要的人，他就感到遺憾：「好多謝我媽媽，可惜佢喺我攞獎之前就過咗身，睇唔到我攞獎。」彭皓鋒透露接下來的工作安排主要是登台唱歌，還會到廣州出席活動，他也不排除會再拍攝TVB劇集。