陳奕迅回應新歌被指抄襲韓國歌 「尤其第三句嘅旋律幾乎一樣」
撰文：張嘉敏
出版：更新：
Eason昨日出席活動時回應被指抄襲一事。(視覺中國)
陳奕迅 (Eason) 的新歌《可一可再》被指抄襲韓國歌手尹鍾信於2013年推出的歌《1월부터 6월까지》（From January to June），兩首歌的旋律非常相似，尤其是開頭一段幾乎是一模一樣，引起了香港與內地網民的熱烈討論，質疑負責作曲的Eason是否有抄襲尹鍾信。當時Eason的經理人甘菁菁就回應說：「Eason講過《可一可再》係佢喺旅行期間創作嘅，其實音符永遠都係得咁多，唔同人聽有唔同感受。」
Eason話佢之前唔知有《1월부터 6월까지》（From January to June）呢首歌。(視覺中國)
而昨日Eason出席活動時，自然被問及有關抄襲韓國歌手尹鍾信一事，Eason表示自己以前並沒有聽過《From January to June》這首歌，但被指抄襲後，他亦有特意去聽了。Eason說：「好好聽，我都覺得尤其是第3句嘅旋律係幾乎一樣，但自己之前確實係冇聽過呢首歌，我係喺呢次批評之後先知呢首歌嘅存在，反而我寫完首歌，以為似另一首英文歌。」
Eason坦言覺得兩首歌係有好相似嘅地方。(視覺中國)
Eason否認有抄襲：「咁音符就係得12個，我哋唔係抄佢，我自己知咪得囉，但你硬係話我抄都冇辦法。我接受批評嘅聲音，但係希望用字唔好太難聽。」他又自嘲終於輪到自己被指抄歌，幽自己一默說：「我係咪應該覺得榮幸？終於我有份，多謝！」
佢講笑話終於輪到自己被指抄襲。(視覺中國)