周柏豪（Pakho）今日（8日）出席「健康香港2025 郁一郁·健康啲」活動，雖然平日工作忙碌，但柏豪一有空便會做運動，飲食方面也吃得很清淡，他表示如果睡眠不足的時候，再吃好多好負荷的食物，對身體不是很健康。

柏豪即將於10日推出新專輯《Allt er ást關於愛 All about love》，今次由他一手包辦製作，身兼數職還做埋監製，作為結婚兩周年的禮物送給太太，而且封面選用的是同太太一齊去冰島旅行的照片，對他來講也別具意義：「因為對於我嚟講好有紀念價值啦，同埋嗰個地方係我哋好想去嘅一個地方，咁終於去到，寓意好似我哋嘅關係一樣。」

結婚周年就送碟，接下來的聖誕節不知道柏豪會送什麼禮物給太太呢？「冇咩特別喇，我諗spend多啲時間喺屋企就OK。」

在近排公布的「2018年度叱咤樂壇」入圍名單中，柏豪遺憾未能入圍，不過他坦言並無覺得失落：「因為觀眾投票就代表可能佢哋嘅心態囉，咁但係自己能夠做得好就OK喇。（睇好邊個攞獎？）個個都睇好㗎喇，因為香港樂壇需要互相支持喇。」