張秀文打機被質疑係冒牌 試過遇上TVB男藝人？
撰文：趙允琳
出版：更新：
張秀文（Sammi）昨日（13日）出席綜藝節目《電競王》記者會，接受訪問時分享自己喜歡上打機是由於小時候受哥哥影響：「哥哥鍾意賽車遊戲，玩街霸，所以嗰時開始佢玩咩我就跟住玩咩，慢慢大個就玩online game，依家就無時無刻都玩電話遊戲！」
Sammi表示最近天氣突然轉冷令她很不習慣，令她又鼻敏感又流眼水。(梁碧玲攝）
張秀文指自己現時最經常玩「食雞」和「傳說對決」這類與網友合作的遊戲，而且經常都會被網友質疑她的身份：「有啲網友唔信，因為我用自己真名、用我自己個樣做icon（顯示圖像），佢哋會問：『你好鐘意張秀文㗎？』咁我都真係鍾意我自己嘅，咁我就話我都好支持佢，但佢就會覺得我係冒牌！」她笑說其實很多網友都會用藝人的相片，有時她都不知道究竟是真是假：「有時同我同隊嘅有一個用馬國明張相，都會有人因為同我玩就問我『嗰個真係馬國明嚟㗎？』有時我都唔知係唔係我哋公司嘅同事！」
Sammi表示聖誕節因為要照顧家中的2歲狗狗無法出外旅遊。（梁碧玲攝）