周勵淇變小三? 傳介入傅浤鳴廿載婚姻甘做後母

撰文:洪曉璇
出版:更新:

周勵淇忽然宣佈已成人妻,同內地演員傅浤鳴於外地成婚,大家又驚又喜之餘,對新郎哥身份都相當好奇,事關當日搜尋「傅浤鳴」呢個名,居然只有佢地婚訊消息,原來傅浤鳴前名傅程鵬,去年先同髮妻程愫結束近20年婚姻,仲育有一個8歲大囝囝。由於時間點太敏感,程愫閨蜜更留言話佢地會有報應,令一對新人迅即被冠上「小三渣男」之名。

周勵淇婚訊一出,網友除咗又驚又喜,更有為數不少質疑聲音。(IG圖片)
網上有唔少留言以小三及渣男稱呼一對新人。(微博截圖)

現年45歲嘅傅浤鳴同前妻程愫係上海戲劇學院同校師兄妹,2010年誕下囝囝,仲曾經多次上節目分享二人間嘅愛情故事。點知2017年3月忽然傳出離婚消息,而二人一直無交代分開原因。直至3個月後即同年6月,傅浤鳴被影到同周勵淇喺香港並肩而行,其後更一同前往德國,時間點上嘅巧合,令唔少網友質疑Niki係傅浤鳴同程愫嘅離婚導火線。

傅浤鳴同前妻程愫結婚近20年育有一子。(視覺中國)
曾經係外界眼中嘅恩愛夫妻,更一家三口上節目曬恩愛。(微博圖片)

Niki同傅浤鳴相識,要追溯到2014年,佢地合作拍攝劇集《卧底》,當時已經傳出佢地過從甚密,不過當時男方有老婆,女方又有男友,緋聞不了了之。到16年3月,Niki憑呢套戲於2015江蘇電視頒獎禮中,榮獲江蘇2015年度最具人氣女演員獎,當時佢喺台上講過:「戲中有大量跟飾演我丈夫傅程鵬的感情對手戲,記得拍攝初期進行了一場激吻戲,但後來當劇集接近殺青時,我們回看段戲都覺得不夠好,因此再花了一個晚上重拍。那時候,我們的感情都一湧而出,真情流露!」

Niki同傅浤鳴2014年合作拍攝劇集《卧底》而相識,當年於宣傳活動更為Niki慶祝生日。(視覺中國)
程愫閨蜜劉馨遠於微博留言,矛頭直指Niki。(微博圖片)

依家睇返呢段得獎感言,難免令網友對號入座,而程愫閨密則留言大罵:「小三會有報應的」,矛頭直指周勵淇。Niki同傅浤鳴婚訊傳出後,兩位當事人都未有現身回應,Niki家姐周汶錡則為妹抱不平,強烈否認小三傳聞。據知Niki會出席好友鍾欣潼20號舉行嘅婚宴,唔知到時會唔會孖住老公到場呢。

Niki憶述同傅浤鳴激吻戲時講過:「我們的感情都一湧而出,真情流露!」(視覺中國)
+4
發表評論...