吳秀波小三陳昱霖IG曝光 被揭超豪生活環遊世界

撰文:鄺鈺瑩
出版:更新:
工作量唔多,但有私人飛機代步,陳昱霖真係好叻女,後排的HERMES也是亮點之一。

曾被內地傳媒稱為「中國影視圈第一好男人」嘅吳秀波,自從被爆出同細佢25歲嘅內地女星陳昱霖有一段長達7年嘅不倫戀後,形象即時插水,再加上有傳日前吳秀波游說陳昱霖回國商討分手費用,但另一邊廂就報公安捉陳昱霖,吳秀波火速成了「第一渣男」。由於陳昱霖現被關禁喺北京看守所,所以佢嘅父母不斷透過女兒微博發公開信,希望借助輿論,令吳秀波取消指控,放女兒一條生路。
 

女兒生性父母享福。

對於吳秀波,陳昱霖曾在朋友圈發文指一直相信對方,並稱吳秀波在橫店拍攝《軍師聯盟》時,「在橫店陪你整呆了333天,我每天給你煮粥煲湯洗衣服。」「常常是宅一個月才出那間房,因為要坐車去杭州的機場,每個月你離開橫店去別的工作,我才離開那間房回北京看看媽跟卡卡。」講到好似「禁室培慾」咁款。

陳昱霖話自己為陪吳秀波拍攝而留在橫店近一年,但睇返佢IG,近年都頻頻出埠享受人生……當然唔排除佢喺橫店時PO舊相啦……但奇就奇在陳昱霖有唔少相,都只PO在IG,點解呢?

之不過,俗語都有話凡走過的必留痕迹,有網民搵出陳昱霖嘅IG,發現佢生活十分富貴,除HERMES、CHANEL手袋呢啲基本嘢之外,陳昱霖過去幾年不時都老是常出現米蘭、紐約、韓國、日本等地,而且仲不時乘坐私人飛機,身為時裝周常客嘅佢,與名模Gigi Hadid、Kaia Gerber甚至奧斯卡影后姬蒂白蘭芝(Cate Blanchett)關係十分友好……陳昱霖近年工作量甚低(2017年佢只係為動畫電影配音),但有如此高質嘅生活,真係不得不寫個服字畀呢位女子。

Richard Mille鑽石錶至少都百萬起跳,有網友指陳昱霖手上呢隻係限量版,要成過千萬。

即睇陳昱霖富貴生活

+24
你可能感興趣